الشاعر حسن النجعي

ياكيف بس انساك وانته على البال اهيم بك واحلم ويسرح خيالي اهواك انا واشتاق وإن بعدنا طال عقب الصبر تفرج واشوفك قبالي لا تستمع في الحب للقيل والقال مـاغـيرك من الناس واللـه غـالي لو يعـذلوني فيك حاسد وعذال وشلي بهم في هرجـهم ما ابالي ابقى وتبقى في حياتي لي امال واخذ من الاحمال زود احتمالي مادمت انا وياك في حب ووصال لجـلك اذوق الـمـر يـازين حـالـي لجـلك اقضي العمر عاشق ورحال وأتأمـلك قـمرا بسماء ليل عـالـي يبقى هوانا رغم عن كل الانـذال ويبقون كل العـمر هرج وجدالي ونهتني بالحب في كل الاحـوال واعطيك انابالحب عشقي ودلالي

عادي تجي ولا بعد رحت عادي ماعاد تفرق جيتك أو غيابك وش عاد يعني لك غلاي وودادي ماعاد يسوى شي حتى عتابك عودتني واعتاد قلبك بعادي ولاحصل مره لي الشوق جابك اول ادور عـنـك وأسـأل وانادي واليوم عادي صار عندي بعادك ضيعتني وضعنا معك بألف وادي اغراب صرنا اليوم سبة عنادك ماعاد نأمل منك حب وتلاقي ماعاد يعني شي لي اشتياقك

ماحد يعيش بدنيته مرتاح ماحد يكون من الوجع خالي كلن يعاني من آلـم وجـراح كلن فـقـد في دنـيتـه غــالي واعـمارنا رحلة تـعـب وكـفاح نمشي بها مـا نعــرف الــتـالي ونعيشها لحظة حزن وافراح من مـرهـا نشرب مع الـحـالي كم حلم ضاع وامل قد طاح كم طيف مر وشـفته قـبالـي وليت الـدمـوع تـرد شـيٍ راح ولاالـرجـاء بيـحـقـق امـالـي مكتوب ومقدر لنا ياصااااح واحـلامنا مثل القـمـر عـالـي

هو تغلى هو تغلى .. هو نسانا حتى ما قدر هوانا هو رحل فجأه وفجأه مادرينا وش خطانا *** لاسبب لاشي يذكر غير جرح بقلبي يكبر شي قهر سلمته قلبي يجرح إحساسي ويغدر *** للأسف  إنا عطينا اصدق إحساس و وفينا يوم صدقنا و هوينا شخص ما قدر غلانا *** لاسبب لاشي يذكر غير جرح بقلبي يكبر شي قهر سلمته قلبي يجرح إحساسي ويغدر *** ودامها هي جات منه نيته قلبي يذله مادرينا عنه والله باكر يجرب ويخسر *** وإن رجع ياقلب قله مابقى من حب لله بس كافي منك عله للأسف ماعاد نقدر *** لايجي يطلب رضانا يدعي الحب وغلانا والله مايرجع زمانه لا ولا نسمح ونعذر #حسن_النجعي inst : hassan_najae

نجعي ولي في صفحةالمجد عنوان ماحن بمن يخشى صعاب الهوايل حنا يخلد ذكرنا عبر الازمان يشهد لنا تاريخنا والفعايل حنا لنا في كل ساحه وميدان صوله وجوله بين كل القبايل بالوزن يغلب ثقلنا كل ميزان وافعالنا تروى وتحكى مثايل صعب الامور نحلها بشف فنجان ووقت الطلب ضمن الصفوف الأوائل وحدودنا هي خير شاهد وبرهان منها وفيها من كثير الدلايل لاما نساوم بالوطن كان من كان ومانستمع من كان بالحقد قايل نفدي وطنا والعدو دوم خسران مدحور بأذن الله والهم زايل ويبقى الفخر والعز دايم لجيزان ارض الشجاعه والكرم والأصايل حسن النجعي

ا دار انتي لــغـيرك دايم الـقـدوه الله يـديـمـك و دام الـعـز يا بــلادي يا مهبط الوحي والاسلام والدعوه ياقبلة الأرض خصك الله الــهــادي الخير ربي عـطاك واكـرم العــطـوه والـحـمـد لله خـيرك دوم بـزيـادي يادار نا من قـديـم الـعـهد لك سـطـوه في كل مـيدان فـعـلك للـمـلا بـادي يادار لجلك رخصنا الروح لك فدوه ترخص لك الروح مانرخصك يابلادي لجلك لمع سيف عزٍ واعتلت صهوه واندق خشم الحسود اللي لك يعادي من راد لك شر خايب خابت الهقوه يـحـرق بـنارٍ لـهـبـهـا جـمـر وقـادي يادار كـلن بـفـعـلك يحـتذي حـذوه لفعولك اللي من اول سالف اجدادي في ظل قايد صفته الحزم والحكمه سلمان سيره تخلد كل الأمجادي والشعب شعبك هل الفزعات والنخوه والعمر دايم يدوم اعياد واعيادي حسن النجعي #اليوم_الوطني٨٨