افرح بصوتك

افرح بصوتك لاسمعته وهليت
ويدق قلبي من غرام ورقص لك

كن اتصالك به حياتي وانا ميت
انسى البشر حولي وبس استمع لك

فكري معك دايم إذا رحت وإن جيت
ياما وياما شوق قلبي نده لك

وانته تمنن باتصالك .. وياليت
ياليت سمعي وقتها ما انتبه لك

حلمي لقاك وباللقاء حيل ابطيت
وانا بسبة فقد دمعي ذرف لك

همي رضاك وبسمتك نور للبيت
وهمك تزعلني علامك ووش لك

وياقسوتك دايم وانااعشقك واوفيت
ماكنه إلا غصب حبي انكتب لك

#حسن_النجعي